Shishukishore

କବିତା

ଫୁଟିଯାଅ ତୁମେ ଫୁଲ ପରି
କାନନେ ମହକ ଦିଅ ଭରି
ନୂଆ ନୂଆ ଜ୍ଞାନ ଅରଜନ କରି
ଭଲ କାମ ଯେତେ ଯାଅ କରି ।

ମଧୁର ବଚନ ସଦା କହି
ଆଗକୁ ଆଗକୁ ଯାଅ ବହି
ଯେତେ ଦୁଃଖ ଆସୁ ଜୀବନ ପଥରେ
ଧରଣୀ ପରିକା ନିଅ ସହି ।

ଜଗତେ ସଭିଙ୍କୁ ଭଲ ପାଅ
ଦୁଃଖ ରେ ସୁଖ ରେ ପାଖେ ଥାଅ
ଯେଉଁଠି ଥିଲେ ବି ଜନମ ମାଟିର
ଜୟଗାନ ସଦା କରୁଥାଅ ।

କାମ କରିଯାଅ ବୀର ପରି
ସବୁ ମନେ ଖୁସି ଯାଉ ଝରି
ନୂଆ ଆଲୋକରେ ଭରିଦେବ ଦିନେ
ଆଉ କିଏ ହେବ ତୁମ ସରି ।

କେଡେ ମଧୁମୟ ଏହି ଧରା
ସବୁଜ ସୁନ୍ଦର ଅଛି ଭରା
ଯତନ କରିଲେ ସରଗର ଖୁସି
ଆମରି ପାଇଁକି ଝରିଯିବ ଆସି
କେତେ ସାରା ।
∎
ବାଣ୍ଠୁପଡା, ରାଜଗାଙ୍ଗପୁର, ସୁନ୍ଦରଗଡ଼
ଫୋନ 7008304225

ଶିଶୁ କିଶୋର . କମ