ପିଲାଙ୍କ ପାଇଁ ଲେଖା - ବରିଷ୍ଠଙ୍କ କଲମରୁ

( ଫେବୃଆରୀ :୨୦୨୬ , ତୃତୀୟ ବର୍ଷ ଦ୍ଵିତୀୟ ସଂଖ୍ୟାରେ ପ୍ରକାଶିତ )

centered image

କବିତା

ମାଙ୍କଡ଼ ବିଲେଇ ଲାଗିଲେ କଳି

ଲେଖା : କୈଳାସ ଚନ୍ଦ୍ର ଧଳ

ମାଙ୍କଡ଼ ବିଲେଇ ଲାଗିଲେ କଳି
ଗାତେ ଥାଇ ମୂଷା ହୁଅଇ ଭାଳି I
କହିଲା, ବିଲେଇ ନାନୀ ହେ କିଆଁ
ମାଙ୍କଡ଼ ସହିତେ ମାରୁଛ ଡିଆଁ ?

ଆମେ ଯେତେ ଅଛେ ଜଗତେ ଜୀବ
ପର ଆପଣରେ କାହିଁକି ଭାବ ?
ଛୋଟ ବଡ଼ ଅବା ଚତୁର କିଏ
ବିପଦରେ କେବେ ବଞ୍ଚାଇ ଦିଏ II

କଳି ଗୋଳ ଅଟେ ଖରାପ କାମ
ମିଳିମିଶି ଥିଲେ ବଢ଼ଇ ନାମ I
ବଳକା ଦରବ ଅନ୍ୟକୁ ଦେଇ
ମନରେ ସନ୍ତୋଷ ଲଭିବ ଯାଇ II

ମୂଷା ଭାଇଟିର ଟିକିକ କଥା
ଛାଡ଼ି ଦେଲେ କଳି ପଶିଲା ଚେତା I

∎

ଫୁଲବାଣୀ, କନ୍ଧମାଳ -8895119944

ଲେଖା ସମ୍ପର୍କୀୟ ମତାମତ

ଏହି ରଚନା ଉପରେ ଆପଣଙ୍କ ମତାମତ ଦିଅନ୍ତୁ

ଆପଣଙ୍କ ନାମ / Name

ଆପଣଙ୍କ ଇମେଲ / ଫୋନ -Email or Phone No (the information will be not disclosed)

ଆପଣଙ୍କ ମତାମତ / Opinion

ଶିଶୁ କିଶୋର . କମ

ମାସିକ ୱେବ ପତ୍ରିକା