ଆମ ଗାଁ ନଈ

ଲେଖା : କୀର୍ତ୍ତନ ସାହୁ

ଆମ ଗାଁ ନଈ
ଗାଆଁ କଡେ ଆମ ଯାଉଛି ବହି
ସାଇତି ଥିବା ତା
କେତେ ଯେ କାହାଣୀ
ଗାଆଁ ଲୋକ ପାଖେ ଯାଉଛି କହି ।

ମଧୁର ଗୀତ
ଗାଇ ଶୁଣାଏ ସେ ନ ରଖି ଭିତ
ସକାଳ ସଞ୍ଜରେ
ମନ ମୋହି ନିଏ
ଆମ ଗାଆଁ ଲୋକ ସଭିଏଁ ମିତ ।

ମନୋଇ ଭାରି
କ୍ଷୀଣ ଦେହ ତାର ହୁଅଇ ବାରି
କାମରେ ଯଦି କେ
ଆରପଟ ଯିବ
ତା ଦେହରେ ଚାଲି ହୁଅନ୍ତି ପାରି ।

ବରଷା ଯୁଟେ
ବେଶି ବରଷାରେ ସେ ଫୁଲି ଉଠେ
ମେଘ ଛାଡି ଗଲେ
ଘଣ୍ଟାକ ଭିତରେ
ମୋଟା ଶରୀରଟା କ୍ଷଣିକେ ତୁଟେ।

ସୁଖର ସାଥୀ
ଦୁଃଖରେ ବି ଥାଏ ନ ବାରେ ଜାତି
ତା କୋଳ ଦେଇଛି
ସଭିଙ୍କୁ ଆସରା
ହେଉ ଶୀତ ଖରା ବରଷା ତାତି ।
∎
ମିଶ୍ର କଲୋନୀ
ଶାଳପଡ଼ା , କେନ୍ଦୁଝର
ଦୂର ଭାଷ - ୯୪୩୮୪୧୪୭୦୧