ମାମୁଘର ଲାଗେ ସରଗପୁର

ଲେଖା : ଜୟକୃଷ୍ଣ ସାହୁ

ପରୀକ୍ଷା ସରିଲା ଫଳ ଵାହାରିଲା
ହୋଇଲାଣି ଖରା ଛୁଟି
ମାମୁଙ୍କ ହାତରେ ବାରତା ଦେଇ ମୋ
ଆଈ ପଠେଇଛି ଚିଠି
କହିଛି ସେ କାନେ କାନେ,
"କୁନୁକୁ କହିଵୁ ତୋର କଥା ଭାରି
ଆଈର ପଡ଼ୁଛି ମନେ।
ମାମୁଙ୍କ ସାଥିରେ ଝଅଟ ଆସିଵୁ
କେଵେ ନକରିଵୁ ଡେରି
ତୋ ପାଇଁ କରିଛି ତୋର ମନଲାଖି
ଆଳୁଦମ୍ କ୍ଷୀରି ପୁରି
ଖାଇଲେ ହୋଇଵୁ ଖୁସି,
ଶୁଣେଇ ଦେଵି ମୁଁ ନାନାଵାୟା ଗୀତ
ତୋର ପାଖେ ପାଖେ ଵସି"।
ଅଜା କହିଛନ୍ତି "ତୁ ଵେଗେ ଆସିଲେ
ମେଳଣ ଵୁଲେଇ ନେଵି
ଖାଇଵାକୁ ଦେଇ ଯାତରା ଦେଖେଇ
ମନ ଖୁସି କରିଦେଵି
ଦୋଳିରେ ଝୁଲିଵୁ ଯାଇ,
ଚାହିଁଵୁ ଯଦି ତୁ ଖେଳନା କଣ୍ଢେଇ
କିଣିଦେଵି ତୋର ପାଇଁ"।
ବଡ଼ ମାମୁ ମାଇଁ ଭାରି ଆପଣାର
ଦେଖି କୋଳକରି ନେଵେ
ଯାଉ ଯାଉ ମୋତେ କୋଳରେ ବସେଇ
କ୍ଷୀରସର ଖୁଆଇବେ
ଯାଉଛି ମୁଁ ମାମୁଘର,
ମୋର ମାମୁଘର ସତରେ ମୋ ପାଇଁ
ଅଟଇ ସରଗପୁର।

କପିଳ ପ୍ରସାଦ, ଭୁବନେଶ୍ୱର-2
ମୋ -9937092397.