ଅଛି ବୋଲି

ଲେଖା : ଧ୍ରୁବ ଚରଣ ଘିବେଲା

ଅଛିବୋଲି ଆଖି ହେଉ କେତେ ଖୁସି 
ଏ ଦୁନିଆ ଦର୍ଶନରେ 
ଆଖିବୁଲାଇଲେ ଦିଶେକେତେ ଦୃଶ୍ୟ 
ସନ୍ତୋଷ ଜାଗେ ମନରେ I
ଅଛିବୋଲି ଆଖି ସପନ ବି ଦେଖୁ
କେବେ ଆଖି ଆଇନାରେ 
ରାତି ସପନଠୁ ଭଲ ଦିନଦେଖା
ସ୍ବପ୍ନ ପୂର୍ଣ୍ଣ କରିବାରେ I
ଅଛିବୋଲି କାନ ଶୁଣୁ ଯେତେ କଥା 
ଭଲକୁ ଆଦରି ନେଇ 
ମନ୍ଦକଥାରେ କା` ଭଳି ଯିବା ନାଇଁ 
ମନ୍ଦରେ କାନ ନଦେଇ I
ଅଛି ବୋଲି କାନ ଶୁଣିବାନି କେବେ
କାହା ଖଚ ମିଛ କଥା
ଶୁଣିବାରେ ମଜା ଶୁଣିବାରେ ତାଜା
ନୀତିବାଣୀଯୁକ୍ତ ଗାଥା I
ଅଛି ବୋଲି ହାତ କାମରେ ସତତ 
ସବୁବେଳେ ରହିଥିବା 
ଭଲ ଭଲ କାମ ନିଖୁଣ ଗଢ଼ଣ
ଠିକ ଠିକ କରିଯିବା I
ଅଛି ବୋଲି ହାତ ଲେଖିବାରେ ଖୁସି 
ନକରିକି ମନ ଉଣା
ଗପଗୀତ ଲେଖି ଦେବାରେ ପରଷି 
ଗପଗୀତ ମନଜିଣା I
ଅଛିବୋଲି ଗୋଡ଼ ଚାଲିପାରୁ ଆମେ
ଦେଖିଚାହିଁ ଖାଲଖମା
ଚାଲିବା ଉଚିତ ଚାଲିକି ଉଷତ
ଥକିବାନି କେବେ ଜମା I
ଅଛିବୋଲିଗୋଡ଼ ଦେହବୋଝଧରେ
ଠିଆହେବା ଅବସ୍ଥାରେ
ଚାଲିବା ଦୌଡ଼ିବା ଦୁଇ କାମ ହୁଏ
ଦୁଇ ଗୋଡ଼ ସାହାଯ୍ୟରେ I

ବଉଦରାଜ, ଜି. ବୌଦ୍ଧ
ମୋ.9437478466