ଖୋଜୁଥିଲେ ତାକୁ ଅଜା

ଲେଖା : ସସ୍ମିତା ସ୍ୱାଇଁ

ସବୁ ଋତୁ ଲାଗେ ଗିରିଷମ ପରି
ଆଉ ସବୁ ଗଲେ କାହିଁ
ମନ ଦୁଃଖେ ବସି ଭାବୁଛି କୋଇଲି
ଦିନ କାଳ ଭଲ ନାହିଁ l

କଳାବୋଲି ତାର ମନଦୁଃଖ ହୁଏ
ଖୁସି ମିଳେ କଣ୍ଠସୁରେ
କେତେ ମିଠାମିଠା କୁହୁ ତାନ ତାର
ତା `ସୁରକୁ ମନ ଝୁରେ ।

ମଳୟ ପବନ ମହକ ନାହିଁତ
କିଏ ନେଲା ତାଙ୍କୁ ହରି
ଥୁଣ୍ଟା ଖୁଣ୍ଟା ଗଛ ନିଆଁ ପରି ଖରା
ଦେଖି ରହିଥାଏ ଡରି l

କୋଇଲି ଖୋଜୁଛି ଆମ୍ବଗଛ ଡାଳ
ବସନ୍ତପବନ ମଜା
ବହଳ ପତର ଗହଳିଆ ଗଛେ
ଖୋଜୁଥିଲେ ତାକୁ ଅଜା l

ଶିଶିଲୋ ବାଳକାଟୀ ଖୋର୍ଦ୍ଧା
୯୮୬୧୦୬ ୯୮୨୯