ଆ ରେ ବରଷା ଆ

ଲେଖା : ଧନଞ୍ଜୟ ସ୍ୱାଇଁ

ଆ ବରଷା ଆ
କୁନା ସାଥିରେ କାଗଜ ଡଙ୍ଗା
ଭସେଇ ଦେଇ ଯା!!’।

କୂଅରେ ପାଣିନାହିଁ ତ ଆଉ,
ପାଣି କାଢ଼ିବ କେଉଁଠୁ ବୋଉ
କୂଅରେ ପାଣି ଭରି ଦେଇ ତୁ ଯା
ଆ ବରଷା ଆ!! ’।

ପାହାଡ, ବିଲ, ପଡିଆ, ଦଣ୍ଡା
ଧୂସର ଏବେ ଦିଶୁଛି ନଣ୍ଡା
ଫୁଲ, ଫଳରେ ହସେଇ ଦେଇ ଯା
ଆ ବରଷା ଆ’।

ଟାଙ୍ଗରା ଏବେ ଦିଶୁଛି କ୍ଷେତ
ତା ଧାରେ ନଈ ଗାଉନି ଗୀତ
କ୍ଷେତ ଆସି ତୁ ଚଷେଇ ଦେଇ ଯା
ଆ ବରଷା ଆ ’।

ଧରାରେ ଯେତେ ଜୀବ ଜଗତ
ତୋ ବିନା ସବୁ କି ହନ୍ତସନ୍ତ
ସଭିଙ୍କୁ ଆସି ଭିଜେଇ ଦେଇ ଯା
ଆ ବରଷା ଆ!! ’।

∎

ଫୋନ- 9437000636